Британия тахти вориси Уэльс шаҳзодаси Чарльз Шотландиядаги Баллатер шаҳарчасида ресторан ва дўкон очди, деб ёзади «ТАСС». Ўтган йилнинг декабрида яқин орада жойлашган Ди дарёси тошиши натижасида сув остида қолган аҳоли пункти учун бу ўзига хос совға бўлди, дейилади маҳаллий ОАВлар хабарида.
12 октябрь куни кечки пайт тантанали тарзда очилган Rothesay Rooms муассасаси Чарльз шарафига номланди: у Шотландия тахти вориси — Ротсей герсоги унвони соҳиби ҳисобланади. Ресторан ёш ошпазлар учун пазандалик мактаби, шунингдек, маҳаллий сайёҳлик нуқтаси ҳам бўлиши кутилмоқда.
Чарльзнинг ўзи айтишича, бундай ресторан очиш ғоясини унга маҳаллий қассоблардан бири берган, у шаҳзодага табиий офатдан жабрланган шаҳарчада дўкон очишни таклиф қилган.
Ресторан ноябрда иш бошлайди, унга бириктирилган дўкон эса октябрь охиригача очилади.
Изоҳ (0)