Федерация кенгаши Россия Суриядаги Хмеймим авиабазасидан беғараз ва муддатсиз фойдаланиши ҳақидаги келишувни ратификация қилди. Ҳужжатни 158 сенатор ёқлади, бир киши овоз беришдан тийилди, дея хабар беради «ТАСС».
Хмеймимда Россия авиабазасини доимий асосда жойлаштириш ҳақидаги келишувни президент Владимир Путин шу йил 9 августда парламентга киритганди. Ҳужжатда аэродром инфраструктураси ва зарур ҳудуд томонлар келишувига кўра россиялик ҳарбийларга беғараз ажратилиши белгиланган.
Келишув Дамашқда ўтган йил 26 августида имзоланган ва Россия ҳукумати томонидан 2016 йил 29 июлда маъқулланганди.
Изоҳ (0)