United Airlines (АҚШ) ва Lufthansa (Германия) авиакомпаниялари самолётлари Нью-Жерси штатидаги Newark Liberty аэропортида тўқнашиб кетди. Бу ҳақда Airlive портали маълум қилди.
Ҳодиса 11 октябрь, сешанба куни рўй берди. Пекиндан учиб келган ва бортида 150 йўловчи бўлган United Airlines лайнери учиш-қўниш майдонида қаноти билан немис ҳаво кемасига тегиб кетди.
Lufthansa бортида ҳодиса чоғида йўловчилар бўлмаган. Жабрланганлар ҳақида маълумот берилмади.
АҚШ фуқаролик авиацияси федерал бошқармаси ҳодиса сабабларини текширмоқда.
Изоҳ (0)