30 йил муқаддам Хитойда энг оммабоп транспорт воситаси велосипед ҳисобланарди, аммо шаҳарларнинг кенгайиши ва аҳоли фаровонлигининг ошиши билан уларнинг ўрнини машиналар эгаллади, бу, ўз навбатида, янги муаммоларни — тирбандликлар ва смогни келтириб чиқарди. Охирги пайтларда хитойликлар яна велосипедларга қайтмоқда, деб хабар қилади «Интерфакс».
Bloomberg маълумотларига қараганда, охирги бир неча ҳафта ичида Хитойнинг иккита энг йирик велосипедлардан фойдаланиш сервиси 200 миллион доллар миқдоридаги маблағларни жалб эта олди.
Хусусан, икки йил муқаддам ташкил этилган ofo мобил дастури Хитой такси бозори етакчиси Didi’дан 100 миллион доллар олиб, шундан сўнг 500 миллион долларга баҳоланди. Компания 70 минг велосипедга эга бўлиб, уларда хитойликлар кунига ўртача 500 минг марта учади.
Жамоат транспорти тизимини, шунингдек, велопрокатни ривожлантириш йўли билан Хитой расмийлари кўчалардаги тирбандлик муаммосини ҳал қилишни режалаштирмоқда.
Изоҳ (0)