Австралиянинг Монаш университети олимлари янги тадқиқот ўтказди, деб ёзади National Geographic. Илмий иш доирасида эксперимент олиб борилди: кўнгиллилардан улар чанқоқни ҳис қилаётган-қилмаётганидан қатъи назар, сув ичишни сўрашди.
Аниқланишича, одамлар ўзини сув ичишга мажбур қилиб қўллаётган куч эҳтимолий фойдани нолга тенглаштиради. Биринчи навбатда олимлар ютиш вақтидаги марказий асаб тизимининг тормозланиши ҳодисаси ҳақида эслатди.
Марказий асаб тизими фаолияти қўзғалиш ва тормозланиш жараёнларига асосланган. Уларнинг иккаласи ҳам бир-бири билан чамбарчас боғлиқ бўлиб, бир хил нейронларда юзага келади ва бир-бирининг ўрнини босиши мумкин. Тормозланиш фаол жараён бўлиб, организмнинг қайсидир функцияси қийнаб қўйилганда ёки тўлиқ тўхтатилганда юзага келиши мумкин. Хусусан, узунчоқ миядаги ютиш маркази қўзғалганда нафас олиш маркази тормозланади, ва ютиш ҳаракати чоғида нафас олиш тўхтайди.
Баъзан бу фожиаларни келтириб чиқариши мумкин: марафон пойгачилари ўша вақтда уларга керак бўлганидан кўра кўпроқ сув ичиб, воқеа жойида вафот этгани билан боғлиқ ҳодисалар фанга маълум: бунда организм жисмоний фаоллик туфайли ҳаддан ортиқ юкни аллақачон кўтариб турган ва нафас олиш марказининг тормозланишини эплай олмай қолган. Бундан ташқари, кўп сув заҳарланишга олиб келиши, қондаги натрий миқдорини камайтириши мумкин, бу эса томир тортиши, ҳолсизланиш ёки бош айланишини келтириб чиқариши мумкин.
Организмдаги суюқлик захираларини тўлдириш заруриятини рад этмаган ҳолда, олимлар буни жорий эҳтиёжларга мослаштиришга чақирмоқда. «Суткасига икки литр сув» қоидасига риоя қилувчиларга ҳам, ушбу рақамга шўрва, чой ва кун давомида истеъмол қилинадиган бошқа суюқликларни ҳам киритиш кераклигини уқдирмоқда.
Изоҳ (0)