Estoniya parlamentida 10-oktabr, dushanba kuni mamlakat tarixidagi birinchi ayol prezident — Kersti Kalyulayd tantanali tarzda qasamyod qabul qildi, deb yozadi “Interfaks”. Qasamyoddan keyin u davlat rahbari lavozimiga rasman kirishgan hisoblanadi.
Davlat rahbarligini tark etayotgan Toomas Xendrik Ilves Kalyulaydga prezidentlik ramzlari — oltin yulduzli ko‘krak zanjirini topshirdi.
Kalyulayd 3-oktabr kuni parlament deputatlari tomonidan prezident etib saylandi. Unga 101 deputatdan 81 nafari ovoz berdi. Saylanish uchun deputatlar korpusi tarkibining kamida 2/3 qismi yoki 68 kishining ovozini to‘plash kerak.
Izoh (0)