Леонардо Ди Каприо Хитой ижтимоий тармоғида саҳифа очиб, ўзи ҳақида мемлар ола бошлади

Голливуд юлдузи Леонардо Ди Каприо 8 октябрь куни Хитойнинг Weibo ижтимоий тармоғида саҳифа очди. Саҳифа очилиши билан фойдаланувчилар артистга мемлар юбора бошлади, деб хабар беради «Газета.ru».

«Салом, Хитой! Бу мен, Леонардо», — дейилади саҳифадаги биринчи хабарда. Бу сўзлар 700 мингдан ортиқ «лайк» тўплади.

Шундан сўнг фойдаланувчилар актёрга ўзи ҳақидаги мемлар ва фотошопларни йўллай бошлади. Айрим фойдаланувчиларга расмлар маъқул тушди, бошқалар эса ҳазил тарзида улар туфайли таниқли актёр тармоқни тарк этиши мумкинлигини айтди.

«Хайр, Хитой!», — деб ҳазиллашди фойдаланувчилардан бири.