Ўз машинаси қисиб қўйган актёр Антон Ельчин ўз айби билан ҳалок бўлган. Бундай баёнотни унинг ота-онаси даъвосига жавобан, Fiat Chrysler’нинг Валенсиядаги дилерлик маркази эълон қилди, деб ёзади TMZ.
Дилер таъкидлашича, Елчиннинг ўлимига Jeep Grand Cherokee автомобилининг нотўғри бошқарилгани ёки унга зарар етгани олиб келган. Қайд этилишича, актёр, эҳтимол йўлтанламаснинг заводдаги созламаларига ўзгартиришлар киритган, бу эса машина ишида носозлик келиб чиқишига олиб келган.
Дилернинг қўшимча қилишича, Ельчиннинг ота-онаси машинани авария вақтидаги ҳолатида қолдирмаган, бу ҳодисани текширишни қийинлаштиради. Дилерлик маркази суддан Fiat Chrysler’ни ишни судда кўришдан озод этишни сўради.
Эслатиб ўтамиз, июнь ойида актёрнинг жасади ўз уйидаги чиқиш дарвозасига ўрнатилган ғиштли почта қутиси ва автомобиль орасида қисилган ҳолда топилган эди.
Ельчиннинг ота-онаси Fiat Chrysler’ни судга бериб, унинг ўлимига Jeep Grand Cherokee’даги узатишни ўзгартириш дастагидаги нуқсон сабаб бўлганлигини таъкидлаганди.
Изоҳ (0)