Минскда уч томонлама алоқалар гуруҳи Донецк вилоятининг Петровский аҳоли пунктида 7 октябрь, жума куни кучларни қайтариш тўғрисида келишувга эришди. Бу ҳақда Донецк айирмачилари вакили Денис Пушилиннинг матбуот котиби Виктория Талакина маълум қилди, дея хабар беради «Корреспондент.net».
«Узоқ ва қизғин баҳслардан сўнг томонлар, бунга монеълик қиладиган ҳолатлар бўлмаган тақдирда, Петровский аҳоли пунктида 7 октябрь, жума куни кучлар ва воситаларни қайтариш тўғрисида бир тўхтамга келди», — дея таъкидлади Талакина.
Уч томонлама алоқалар гуруҳидаги Украина вакили Леонид Кучманинг матбуот котиби Дарья Олифер мазкур маълумотни тасдиқлади ва Луганск қишлоғи аҳоли пунктида кучларнинг қайтарилиши 9 октябрга мўлжалланганини билдирди.
Маълумот учун, 21 сентябрь куни Минскда Донбассдаги кучларни қайтариш ҳақидаги ҳужжат имзоланди. Унда Золотое, Петровский ва Луганск қишлоғи аҳоли пунктларида 3 та хавфсизлик ҳудудини ташкил этиш кўзда тутилган.
Изоҳ (0)