Россиялик биофизик Алексей Карнаухов ўз устида ёшартириш бўйича тажрибани ўтказмоқчи, деб ёзади «АиФ». У 6 октябрь, пайшанба куни бошланади.
Олим яқин бир неча кун давомида тана ҳужайраларини чиқариб олиш бўйича операцияни бошидан ўтказади, шундан сўнг улар криобанкка ўн йилга жойлаштирилади. Карнаухов у ҳужайраларни танасига киргизгач, организм ёшара бошлашини тахмин қилмоқда.
Эслатиб ўтамиз, Карнаухов ва унинг ҳамкасблари сичқонлар устида ўтказган экспериментларда ҳаёт давомийлиги ўртача 34 фоизга ошган эди. «Одамлар учун бу тахминан 25 йил қўшимча умрга тўғри келади», — дея таъкидлади олим.
«Мен умуман, бу имкониятни улкан омад сифатида қабул қилмоқдаман. Гап шундаки, донорнинг ёши бўйича тиббий ва ҳатто юридик чекловлар мавжуд — у 55 ёшдан катта бўлмаслиги керак. Шундай экан, менда кам вақт қолди», — деди биофизик.
Изоҳ (0)