Исроил ҳарбий-ҳаво кучлари Сдерот шаҳри ракетадан ўққа тутилганига жавобан Ғазо секторидаги ҲАМАС объектларига зарбалар берди. Бу ҳақда Исроил мудофаа армияси расмий вакили Питер Лернер маълум қилди, дея хабар беради «ТАСС».
«Исроил самолётлари ракетадан ўққа тутишга жавобан ҲАМАСнинг Ғазо секторидаги марраларига зарбалар берди», — дейилади расмий вакил томонидан тарқатилган баёнотда.
Эслатиб ўтамиз, олдинроқ Исроилнинг Сдерот шаҳрида Ғазо секторидан йўлланган ракета портлагани, бунинг оқибатида шаҳар инфратузилмаси зарар кўргани хабар берилганди.
Изоҳ (0)