Лондон биржасидаги савдолар чоғида декабрда етказиб бериладиган Brent туридаги нефть баҳоси 2 фоизга кўтарилиб, бир баррели учун 52,03 долларни ташкил этди. Нархнинг 52 доллардан ортиши 10 июндан бери илк бор қайд этилди, дея хабар бермоқда «Ведомости».
Ноябрда етказиладиган WTI туридаги нефть нархи 2,44 фоизга ошди ва бир баррели учун 49,88 долларга етди.
Нефть котировкалари АҚШдаги хом ашё захиралари ҳақидаги маълумотлар туфайли кўтарилиб бормоқда. Мамлакат энергетика вазирлигига кўра, нефтнинг тижорий захиралари ҳафта мобайнида 3,02 миллионга, 499,7 миллион баррелгача камайди.
Изоҳ (0)