Россия бош вазири Дмитрий Медведев Россия ва АҚШ ўртасидаги ядро ва энергетика соҳаларидаги илмий тадқиқотлар ва ишланмалар бўйича ҳамкорлик ҳақидаги битим амал қилишини тўхтатиш тўғрисида қарор чиқарди, деб ёзади «ТАСС».
Ҳужжатда айтилишича, ушбу битим 2013 йил 16 сентябрда тузилган бўлиб, унинг амал қилиши АҚШ томонидан Россия билан атом энергетикаси соҳасидаги ҳамкорликни чеклаш жорий қилиниши туфайли тўхтатилди.
Қарорга илова қилинган маълумотномада таъкидланишича, «Россияга қарши санкциялар киритиш муносабати билан АҚШ томонидан кўрилган чоралар битимда кўзда тутилган ҳамкорлик йўналишларига бевосита таъсир кўрсатди».
Аввалроқ АҚШ Суриядаги ўт очишни тўхтатиш режимини қўллаб-қувватлаш учун Россия билан яратилган икки томонлама каналлардан фойдаланишни тўхтатишини эълон қилган эди.
Изоҳ (0)