ОАВ: АҚШда Миллий хавфсизлик агентлигининг Сноуден компаниясида ишлаган ходими ҳибсга олинди

АҚШ ҳукумати шартнома бўйича Миллий хавфсизлик агентлигида ишлаган хусусий компания ходимини давлат сирларини ўғирлашда гумон қилиб қўлга олди, деб ёзади «ТАСС» Reuters’га таяниб.

Гарольд Томас Мартин исмли маҳбус 2013 йилда АҚШ махсус хизматлари фаолиятини фош қилувчи ҳужжатларни матбуотга берган Эдвард Сноуден ишлаган Booz Allen Hamilton компанияси ходимидир.

Аввалроқ The New York Times ФҚБ ходимлари Миллий хавфсизлик агентлиги пудратчисини ҳибсга олгани, у «бошқа мамлакатлар, шу жумладан Россия ҳукумати тармоқларини бузиб кириш учун ишлаб чиқилган ўта махфий кодлар»ни ўғирлаш ва фош қилишда гумонлангани ҳақида хабар берган эди.