5 октябрь куни Чеченистон Республикаси пойтахти Грознийда Рамзан Қодировнинг республика раҳбари лавозимига инаугурацияси бўлиб ўтди, деб ёзади «РБК».
Қодировнинг лавозимга киришишига бағишланган тантанали маросим Грознийдаги Давлат театр-концерт залида бўлиб ўтди. Чеченистон парламенти спикери Магомед Даудов Қодировни республика конституциясига мувофиқ қасамёд қилиш учун трибунага таклиф этди.
Худди шу куни Грознийда Шаҳар куни байрам қилинди, Қодировнинг ўзи эса 40 ёшини нишонлади.
Аввалроқ Қодировнинг матбуот котиби Алви Каримов Қодиров инаугурацияни атайлаб ўз туғилган кунида ўтказгани ҳақидаги хабарлар ҳақиқатга тўғри келмаслигини айтган эди.
Чеченистонда республика раҳбарлигига сайловлар 18 сентябрда бўлиб ўтди. Сайловда овоз берувчиларнинг 94,8 фоизи иштирок этди. Рамзан Қодировга иштирок этган сайловчиларнинг 97,94 фоизи овоз берди. Шу тариқа, у ўз лавозимида қолди.
Изоҳ (0)