Сурия армияси Алеппода жангарилар марраларига ҳужум чоғида мазкур минтақада жанглар олиб борилаётган охирги 4 йил мобайнида биринчи марта танклардан фойдаланди. Бу ҳақда «Интерфакс» хабар бермоқда.
Al Jazeera телеканалининг Суриядаги «Оқ каскалар» ташкилотига таяниб маълум қилишича, ҳукумат кучлари 4 октябрь, сешанба куни жангарилар томонидан назорат қилинаётган Алеппонинг шарқий даҳаларига бир йўла бир неча йўналишлардан киришга ҳаракат қилди.
Бироқ ҳарбийлар ҳозирча фақат шимоли-шарқдаги айрим ҳудудлар, жумладан, фаластинлик қочоқларнинг собиқ «Хандарат» лагерини эгаллашга муваффақ бўлгани билдирилмоқда.
Изоҳ (0)