Бюджетга келиб тушадиган нефть тушумлари улуши пасайиб бораётгани туфайли, Саудия Арабистони ҳукумати виза йиғимлари ҳажмини сезиларли даражада оширди, дея хабар бермоқда «ТАСС». Энди хорижликлар нафақат қиролликка киргани учун, балки ундан чиққани учун ҳам пул тўлайди.
Gulf News ёзишича, Саудия ҳудудини тарк этишни истаган ҳар бир чет эллик 50 доллар атрофида пул тўлаши керак бўлади. Айни пайтда 80 долларга тенг бўлган транзит визаси ҳам анча ошди, денгиз саёҳатларида эса порт инфратузилмасидан фойдаланганлик учун киши бошига 13 доллардан тўланади.
Икки ойга бериладиган бир марталик кириш визаси ўн баробар — 50 доллардан 530 долларгача ошди. Ҳар битта қўшимча ой учун қироллик меҳмони 26 доллардан тўлаши керак. Ҳаж зиёратчилари учун эса қиролликка биринчи сафар бепул бўлади.
Бундан ташқари, янги қоидаларга кўра, хорижлик ишчилар мамлакатга кириш учун 80 доллар тўлаши керак, ярим йилга ишчи виза 800 доллар, бир йилга 1333 доллар, икки йилга эса 2133 долларни ташкил қилади.
Изоҳ (0)