Россиянинг Домодедово аэропорти божхона хизмати ходимлари Дубай—Москва рейси йўловчиси ўз жомадонида олиб ўтмоқчи бўлган 30 та судралиб юрувчини мусодара қилди, деб ёзади «ТАСС» Федерал божхона хизматига таяниб.
Дубай—Москва рейси билан учиб келган 19 ёшли Россия фуқароси жониворларни олиб ўтиш ҳуқуқини берувчи рухсатномани тақдим эта олмади.
Йигитга тегишли жомадонда турли катталикдаги 28 та калтакесак ва иккита илон аниқланган. Ҳайвонлар турли объектларни қидириб топишга ўргатилган хизмат ити ёрдамида аниқланган.
Йўловчининг сўзларига кўра, у ветеринария факультети талабаси бўлиб, жониворларни уйда боқиш учун Гонконгда сотиб олган.
Айни пайтда илон ва калтакесаклар мусодара қилиниб, ёввойи ҳайвонлар реабилитацияси марказига йўналтирилган. Кейинроқ улар экспертизадан ўтказилади ва унинг натижаларига кўра маъмурий ёки жиноий иш қўзғаш масаласи ҳал этилади.
Изоҳ (0)