ОАВ: Сурияда «Жабҳат Фатҳ аш-Шом» қўмондонларидан бири йўқ қилинди

Суриянинг Идлиб вилоятида «Жабҳат Фатҳ аш-Шом» (собиқ «Жабҳат ан-Нусра») гуруҳи қўмондонларидан бири Абу ал-Фараж ал-Масри учувчисиз учиш қурилмасидан берилган зарба натижасида йўқ қилинди. Бу ҳақда жангариларга яқин манбаларга таяниб, Reuters маълум қилди, дея хабар беради «РБК».

Манбаларга кўра, ал-Масри автомобилда кетаётганида унга снаряд келиб тушган. Бомбардимон ким томонидан амалга оширилганига аниқлик киритилмади.

Буюк Британияда жойлашган Сурия инсон ҳуқуқлари мониторинги маркази ал-Масри бомбардимон нишони бўлганини билдирди, бироқ унинг ўлдирилганини тасдиқлай олмади.