Жорий йил охирига қадар Эрон бир қатор хорижий компаниялар билан нефть-газ соҳасида янги шаклдаги шартномалар имзолайди. Бу ҳақда, Shana агентлигига асосланиб, «ТАСС» хабар бермоқда.
Эрон нефть вазири Бежан Номдор Зангонанинг билдиришича, вазирлик томонидан ишлаб чиқилган янги қоидалар нефть ва газ чиқариш соҳасида шартномалар имзолаш тартибини йўлга қўяди, томонларнинг ҳуқуқ, мажбурият ва маъсулиятини, шунингдек, молиявий муносабатларини аниқлаб беради. Улар илгариги норматив актлардан кескин фарқ қилади. Хусусан, 150 катта-кичик ўзгартишлар киритилди, мавжуд 11 моддага яна тўрт модда қўшилди.
Лойиҳа икки йил давомида тайёрланиб, парламентда қизғин баҳсларга сабаб бўлди.
Зангонанинг таъкидлашича, кўпгина чет эл компаниялари Эрон нефть лойиҳаларида иштирок этишга қизиқиш билдирмоқда.
Изоҳ (0)