Чеченистон раҳбарининг матбуот котиби Альви Каримов шу йил ёзда Рамзан Қодировга гўёки суиқасд тайёрлангани ҳақидаги ОАВ хабарларини рад этди. Бу ҳақда «Интерфакс» хабар бермоқда.
«Бу чиқишлар бошидан охиригача уйдирма. Чеченистон раҳбарига Беной қишлоғида, у одатда тўхтайдиган уйда ҳеч қандай суиқасдга уриниш бўлмаган», — дея таъкидлади Каримов.
Олдинроқ «Новая газета» нашри Чеченистоннинг Ножай-Юрт туманидаги Беной қишлоғида, Рамзан Қодиров қароргоҳида унга нисбатан суиқасд тайёрлангани, бу ердан портловчи қурилма, фитна иштирокчиларидан эса кўплаб қурол-аслаҳа мусодара этилгани, бир неча ўнлаб кишилар қўлга олинганини билдирганди.
Альви Каримов бўҳтон маълумотлар тарқатгани учун мазкур газетага қарши даъво киритилиши мумкинлигини истисно этмади.
Изоҳ (0)