Ramzan Qodirovning matbuot kotibi Checheniston rahbariga suiqasd tayyorlangani haqidagi xabarlarni inkor etdi

Checheniston rahbarining matbuot kotibi Alvi Karimov shu yil yozda Ramzan Qodirovga go‘yoki suiqasd tayyorlangani haqidagi OAV xabarlarini rad etdi. Bu haqda “Interfaks” xabar bermoqda. 

“Bu chiqishlar boshidan oxirigacha uydirma. Checheniston rahbariga Benoy qishlog‘ida, u odatda to‘xtaydigan uyda hech qanday suiqasdga urinish bo‘lmagan”, — deya ta’kidladi Karimov. 

Oldinroq “Novaya gazeta” nashri Chechenistonning Nojay-Yurt tumanidagi Benoy qishlog‘ida, Ramzan Qodirov qarorgohida unga nisbatan suiqasd tayyorlangani, bu yerdan portlovchi qurilma, fitna ishtirokchilaridan esa ko‘plab qurol-aslaha musodara etilgani, bir necha o‘nlab kishilar qo‘lga olinganini bildirgandi. 

Alvi Karimov bo‘hton ma’lumotlar tarqatgani uchun mazkur gazetaga qarshi da’vo kiritilishi mumkinligini istisno etmadi.