«Ўздавенергоназорат» инспекцияси Қашқадарё ҳудудий бўлими вилоятдаги ижтимоий соҳа ва иқтисодиёт тармоқларининг куз-қиш даврида барқарор ишлашини таъминлаш юзасидан ўрганишлар ўтказди. Бу ҳақда инспекция ахборот хизмати хабар бермоқда.
Ўзбекистон Президентининг 2016 йил 10 июндаги «Республика иқтисодиёти тармоқларини 2016—2017 йиллар куз-қиш даврида барқарор ишлашга тайёрлашни таъминлаш чора-тадбирлари тўғрисида»ги қарори ижросини таъминлаш мақсадида ўтказилган ўрганишда вилоят прокуратураси ва тегишли назорат органлари ходимлари ҳам иштирок этган.
Вилоят ўрта махсус, касб-ҳунар таълими бошқармасига қарашли Ғузор қишлоқ хўжалик касб-ҳунар коллежи, Ғузор агробизнес касб-ҳунар коллежи, Ғузор транспорт касб-ҳунар коллежи, Ғузор қурилиш ва коммунал хўжалиги касб-ҳунар коллежи, Ғузор нефть-газ касб-ҳунар коллежи, Яккабоғ тумани қишлоқ хўжалик касб-ҳунар коллежи, Яккабоғ саноат ва хизмат кўрсатиш касб-хунар коллежи, вилоят халқ таълими бошқармасига қарашли Ғузор туманидаги 5-сонли мактаб, Яккабоғ туманидаги 83-сонли мактаб, Яккабоғ туманидаги 50-сонли мактаб, Яккабоғ тумани тиббиёт бирлашмасига қарашли объектларда қишки мавсумга тайёргарлик бўйича ишлар суст йўлга қўйилганлиги, энергетик қурилмаларни таъмирлаш, газ танқислиги кузатилаётган ҳудудларда қозонларни кўмирга мослаштириш, режалаштирилган кўмир ёқилғисини жамғариш ва сақланишини таъминлаш бўйича кўплаб камчиликлар аниқланди.
Ғузор туман электр тармоқлари корхонаси кесимида куз-қиш мавсумига тайёргарлик кўриш бўйича мавжуд электр тармоқлари ва қурилмаларини мукаммал таъмирлаш бўйича режа-тадбирларни бажариш ишлари кечикаётганлиги, жумладан, ҳаво линияларидаги мукаммал ва жорий таъмир ишлари суст бажарилаётганли, таъмир ишлари учун захира эҳтиёт қисмлар етарли эмаслиги маълум бўлди.
«Танлов асосида трансформатор пунктларида бажарилиши режалаштирилган таъмирлаш ишлари ўрганилганда, ўтган чоракларда бажарилиши режалаштирилган мукаммал таъмирлаш ишлари ҳалигача бажарилмаганлиги, ўтказилган таъмир ишлари сифатсиз бажарилганлари аниқланди», — дейилади инспекция ахборотида.
Қайд этишларича, аниқланган камчиликларни бартараф этиш ва маъсул ходимларга тегишли чора кўриш юзасидан маъсул ходимларига кўрсатма хатлар берилган.
Изоҳ (0)