Қозоғистон президенти Нурсултон Назарбоев топшириғига биноан мамлакат бош вазирнинг биринчи ўринбосари Асқар Мамин бошчилигидаги Қозоғистон делегацияси ишчи ташриф билан Тошкентга келди. Бу ҳақда Қозоғистон ҳукумати сайтида маълум қилинди.
Асқар Мамин Тошкентда Ўзбекистон Президенти вазифасини бажарувчи Шавкат Мирзиёев билан музокаралар ўтказиши, шунингдек, Ўзбекистон бош вазирининг биринчи ўринбосари Рустам Азимов ва бош вазир ўринбосари Улуғбек Розукулов билан учрашиши кутилмоқда.
«Томонлар икки давлат ўртасида савдо-иқтисодий муносабатлар ҳолати, саноат, транспорт-транзит соҳаларида ҳамкорлик масалаларини муҳокама этиши кўзда тутилган», — дейилади Қозоғистон ҳукумати ахборотида.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)