Тожикистон доим Ўзбекистон билан муносабатларни ҳар томонлама ривожлантириш тарафдори бўлиб келган ва шундай бўлиб қолади. Бу ҳақда Тожикистон мустақиллиги кунига бағишланган тадбирда мамлакатнинг Тошкентдаги элчиси Содиқ Имомий маълум қилди, дея хабар беради «Газета.uz».
«Тожикистон ва Ўзбекистон халқлари ўртасидаги дўстлик ва қўшничилик анъаналари кўп асрлик тарихга эга. Икки давлат орасидаги мавжуд алоқалар ва уларни кенгайтириш имкониятларини эса деярли чексиз деб ҳисоблаш мумкин», — дея таъкидлади Имомий.
Элчининг сўзларига кўра, бугунги кунда Тожикистонда иқтисодий, ижтимоий ва маънавий соҳаларни ривожлантиришга қаратилган дастурлар муваффақиятли амалга оширилмоқда. «Бу ютуқларни кенг халқаро ҳамкорлик, хорижий шериклар, биринчи галда, қўшни давлатлар қўллаб-қувватлашисиз тасаввур этиш қийин», — деди элчи.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)