Saudi Arabian Airlines учувчиси лайнернинг олиб қочилиши ҳақида янглишиб хабар бергани маълум бўлди

Saudi Arabian Airlines учувчиси Филиппин пойтахти Манила аэропортига қўнаётганда адашиб икки марта лайнернинг олиб қочилишини англатувчи махсус тугмани босган. Бу ҳақда аэропорт директори Эдмунд Монреаль маълум қилди, дея хабар беради «ТАСС».

«Махсус тугманинг бехосдан босиб юборилиши юз берган, устига-устак, бу ҳолат икки бор такрорланган. Саудия Арабистонининг Жидда шаҳридан Манилага рейсни амалга ошираётган ҳаво кемасидан хавф сигналини олгач, диспетчерлар самолётни яккалаб қўйди. Лайнер аэропортга қўнганидан сўнг экипаж адашгани ҳақида маълум қилди», — дея таъкидлади Монреаль.

Ҳозирда ҳодиса юзасидан текширув ишлари бошланган. Унинг натижалари бўйича учувчилар айби қай даражада эканига аниқлик киритилади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.