Google’нинг янги смартфонлари қачон намойиш қилиниши расман ошкор этилди

Google компанияси янги Pixel смартфонлари презентацияси ҳақида расмий баёнот берди. Ускуналар 4 октябрь куни тақдим этилади, деб хабар беради «Hi-Tech.Mail.ru».

YouTube’да жойлаштирилган ролик муаллифлари янги смартфонларнинг кўриниши қандай бўлиши ҳақида ҳеч қандай маълумот бермайди. Шунга қарамай, интернетда янги смартфонларнинг фотосуратлари аллақачон чоп этилди.

Улар бозорда Nexus қатори ускуналарининг ўрнини эгаллаши кутилмоқда.

Инсайдерларнинг таъкидлашича, Google иккита смартфон тақдим этади, улар бир-биридан экран диагоналига кўра фарқланади.

Pixel ва Pixel XL’нинг тахминий техник тавсифи:

Оператив хотира: 4 Гб

Доимий хотира: 32 ёки 64 Гб

Экран: Pixel учун — 5 дюйм ва FullHD, Pixel XL учун — 5,7 дюйм ва 2К

Асосий камера: 12 Мп

Бармоқ излари сканери: бор

Оператив тизим: Android 7.1

Кенжа моделнинг нархи 649 доллар бўлиши айтилмоқда.