Google компанияси саёҳатларни режалаштириш учун мўлжалланган Google Trips мобил дастурини чиқарди, деб ёзади TJournal. Сервисни Android ва iOS қурилмалари учун юклаб олиш мумкин.
Тизим Google Maps ва бошқа фойдаланувчилар маълумотлари асосида сафарларни режалаштириш имконини беради. Дастур интернет бўлмаган жойда ҳам ишлаши мумкин, бунинг учун саёҳатнинг тахминий йўналишини олдиндан сақлаб олиш кифоя.
Google Trips Gmail фойдаланувчилари хабарларини меҳмонхона ва чипталарни брон қилиш мавзуси бўйича таҳлил қилиб чиқади, маълумотларни тизимда сақлайди. Сафар тафсилотлари «Бутун кун учун режалар», «Егулик ва ичимликлар», «Қандай етиб олиш», «Нима билан шуғулланиш», «Брон қилиш» ва бошқа бўлимларга бўлинган. У ёки бу жойга ташриф буюргач, фойдаланувчи изоҳ қолдириши, уни дастурнинг бошқа мижозлари ўқиши мумкин бўлади.
Изоҳ (0)