Америкалик тадқиқотчилар сувости вулқонида фанга номаълум жониворларни топди

Америкалик тадқиқотчиларнинг Гавайи ороллари яқинидаги Кук сувости вулқонига уч ўринли субмаринада уюштирган экспедицияси бир неча кашфиётларга сабаб бўлди. Бу ҳақда «Корреспондент.net» хабар бермоқда.

Тўрт километр чуқурликдаги сувости вулқонига уюштирилган экспедиция давомида олимлар баҳайбат сузгичларга эга бўлган саккизоёқларнинг янги турини аниқлади. Шунингдек, бинафшаранг маржонларнинг янги тури топилди.

Тадқиқотчилар вулқон тубида фанга номаълум яна кўплаб жониворлар бўлиши мумкинлигини таъкидламоқда. Жумладан, гап ёруғликка эҳтиёж сезмайдиган организмлар ҳақида кетмоқда.

Америкалик олимлар Гавайи ороллари атрофида жойлашган яна 50 та сувости вулқонига экспедициялар уюштиришни режалаштирмоқда.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.