МДҲ давлатлари раҳбарлари кенгашининг Бишкек саммити бошланиши Владимир Путиннинг рейси туфайли икки соатга кечиктирилди. Бу ҳақда «Ведомости» хабар бермоқда.
Қирғизистон президенти матбуот хизматига кўра, Россия президенти самолётининг парвози «ноқулай об-ҳаво» туфайли кечиктирилган. Саммит аввал режалаштирилганидек маҳаллий вақт билан 16:00 да эмас, 18:00 да бошланади.
Матбуот хизматининг билдиришича, Бишкекка Озарбайжон, Арманистон, Беларусь, Қозоғистон, Тожикистон президентлари келиб улгурган. Молдова номидан саммитда бош вазир, Туркманистондан бош вазир ўринбосари, Ўзбекистондан ташқи ишлар вазири, Украинадан эса ушбу давлатнинг Қирғизистондаги элчиси қатнашмоқда.
Изоҳ (0)