Малайзия расмийлари Танзания қирғоқларидан топилган бўлаклар Malaysia Airlines авиакомпаниясининг MH370 рейсига тегишли эканлигини тасдиқлади. Бу ҳақда Reuters хабар бермоқда.
Олдинроқ ҳаво кемаси парчалари Ҳинд океанидаги Реюньон оролидан топилганди. Шунингдек, Мозамбик ва Жанубий Африка республикаси ҳам топилмалар ҳақида маълум қилган. Австралия расмийлари MH370 рейси учувчиси Ҳинд океани жанубига учишни моделлаштирганини билдирганди.
Эслатиб ўтамиз, Куала-Лумпурдан Пекинга йўл олган, бортида 227 нафар йўловчи ва 12 нафар экипаж аъзоси бўлган Boeing 777-200 2014 йил 8 мартга ўтар кечаси радарлардан ғойиб бўлганди.
Изоҳ (0)