2016 йилги Тошкент халқаро сайёҳлик ярмаркаси доирасида «Поедем, поедим!» дастурининг суратга олиш гуруҳи Ўзбекистон ҳақида иккинчи кўрсатувни тасвирга олади, дея хабар бермоқда «Ўзбектуризм» Миллий компанияси матбуот хизмати.
Бу сафар дастур Тошкент ва Хоразм воҳаларига бағишланади. Кўрсатувнинг Ўзбекистонга бағишланган биринчи сони Самарқандда олинган ва телеканал томошабинларида катта қизиқиш уйғотган эди. Шу туфайли яна бир кўрсатувни тасвирга олишга қарор қилишди.
«Поедем, Поедим!» («Борамиз, тановул қиламиз») — «НТВ» телеканалининг 2012 йил октябрида старт олган лойиҳасидир. Дастурга қишлоқлар аҳолиси, овчилар ва балиқчилар, геологлар ва олтин изловчилар, турли миллат ва халқ вакиллари қаҳрамон сифатида танлаб олинади. Уларнинг ҳар бирида мазали ва соғлом таомлар рецепти бўлади ва улар буни «НТВ» томошабинлари билан бўлишади.
Изоҳ (0)