Facebook ижтимоий тармоғидаги «Водители Ташкента (DRIVERS.UZ)» ва «Водители Намангана» гуруҳлари аъзолари 14 сентябрь, чоршанба куни Ўзбекистон Биринчи Президентининг қабрини зиёрат қилиш учун Самарқандга велосипедда саёҳат қилган 75 ёшли Ҳусан бобонинг уйига ташриф буюрди, деб ёзади «Газета.uz».
Оқсоқол икки ғилдиракли транспортда 500 километрдан зиёд йўл босди. Унинг велосаёҳати ҳақида ОАВлар ёзди, у ҳақдаги сюжет Россиянинг «Звезда» ва «НТВ» телеканалларида ҳам намойиш этилди.
Ҳусан Ҳожибоевнинг Ислом Каримов қабрини зиёрат қилиш истаги пойтахтлик ва наманганлик ҳайдовчиларга шунчалик таъсир қилдики, улар интернетда ташаббус бошлаб, велосаёҳатчига совғалар олиш учун пул тўплади. Улар совитгич, Германияда ишлаб чиқарилган велосипед келтирди.
Улар биргаликда Ҳусан бобонинг Наманган вилояти Чортоқ тумани Караскан қишлоғидаги уйига барча совғаларни, шунингдек, бироз пул мукофотини ҳам олиб келди.
Хурсандчиликдан боши кўкка етган оқсоқол, совғалар учун миннатдорлик билдирди ва шу заҳоти янги велосипедни миниб, ўз қишлоғи кўчаларини сайр қилди.
Изоҳ (0)