Samsung компанияси фойдаланувчиларга Galaxy Note 7 смартфонларини ўчириб, тезроқ алмаштиришни маслаҳат берди. Бу ҳақда, компания баёнотига асосланиб, «РБК» хабар бермоқда.
«Биз барча мижозларимизга алмаштириш дастуридан тезроқ фойдаланишни тавсия этамиз, негаки хавфсизлигингиз биз учун устувордир. Ушбу ускуналарнинг янги харидлари ва етказмалари тўхтатилди, лекин сизда Galaxy Note 7 бўлса, биз уни алмаштиришни қатъий сўраймиз», — дейилади баёнотда.
Ускунанинг аккумуляторида муаммолар аниқланди. Фойдаланувчилар телефонлар қувватлантириш пайти ўт олаётганини хабар қилди. Сеулда ўтказилган матбуот анжуманида компания вакиллари аккумуляторларнинг ёнишига нима сабаб бўлаётганини тушунтириб бера олмади.
Илгарироқ Samsung Galaxy Note 7 чиқариш тўхтатилганини, сотилган моделлар қайтариб олинишини маълум қилган эди.
Изоҳ (0)