Жиззахда меҳнат жамоалари вакиллари, маҳалла фаоллари фахрийлар, хизмат вазифасини ўташ чоғида ҳалок бўлган ҳарбийлар хонадонида бўлиб, байрам билан табрикламоқда, совға-салом улашмоқда. Бу ҳақда ЎзА хабар берди.
Жиззах олий ҳарбий авиация билим юртининг бир гуруҳ зобит ва курсантлари фахрий Фарҳод Ҳамроев хонадонида бўлиб, байрам билан табриклади. Билим юртининг биринчи ўқитувчиларидан бўлган Ҳамроев мамлакат Қуролли Кучларини етук ҳарбий мутахассислар билан таъминлашга муносиб ҳисса қўшган. Билим юрти ўқув бўлими бошлиғи ва авиация жиҳозлари кафедраси мудири вазифаларида самарали фаолият кўрсатган педагог давлат раҳбарининг фармонига мувофиқ 2000 йилда «Жасорат» медали билан тақдирланган. Бугунги кунда нафақада бўлса-да, ёшларни ватанпарварлик руҳида тарбиялаш ишида фаол иштирок этиб келмоқда.
Билим юрти жамоаси вакиллари жанговар топшириқни бажариш чоғида ҳалок бўлган хизматдошлари, подполковник Самандар Кенжаевнинг оиласида ҳам бўлиб, совғалар топширди.
Изоҳ (0)