«Ўзбекистон ҳаво йўллари» Миллий авиакомпанияси 2016 йил 31 август куни иккита Boeing-787 Dreamliner самолётининг биринчисини қабул қилди, дея хабар бермоқда UzDaily.
«Ўзбекистон ҳаво йўллари» авиакомпанияси рангларидаги авиалайнер бугун соат 10:00 да «Тошкент» халқаро аэропортига қўнди. Самолёт Сиэтлдан Тошкентгача бўлган 12 соатлик масофани тўхтамасдан босиб ўтди.
Ҳаво кемаси Тошкентда ҳукумат тузилмалари, авиакомпания раҳбарияти томонидан тантанали тарзда кутиб олинди.
Янги самолёт узоқ ва ўта узоқ халқаро йўналишларда фойдаланилади ҳамда Тошкент—Нью-Йорк йўналиши бўйича қўнилмайдиган парвозларни амалга ошириш имконини беради.
Аввалроқ «Ўзбекистон ҳаво йўллари» буюртмасига асосан тайёрланган икки Boeing 787 Dreamliner самолётларидан дастлабкисининг илк парвози акс этган видео эълон қилинган эди.
Изоҳ (0)