30 август, сешанба куни Ўзбекистон Республикаси ташқи ишлар вазири Абдулазиз Камилов Молдова Республикасининг янги тайинланган фавқулодда ва мухтор элчиси (қароргоҳи Киев шаҳрида) Руслан Болбочанни қабул қилди. Элчи Ўзбекистон Республикаси Президенти номига йўлланган ишонч ёрлиқларини топширди. Бу ҳақда вазирлик матбуот хизмати хабар бермоқда.
Бўлиб ўтган суҳбат чоғида Ўзбекистон ва Молдова ўртасидаги икки томонлама ва халқаро ташкилотлар доирасидаги муносабатларни ривожлантириш масалалари кўриб чиқилди. Икки давлатнинг турли соҳалардаги мулоқотини фаоллаштириш, жумладан, буни қўшма тадбирлар ўтказиш, бизнес-доиралари ўртасида тўғридан-тўғри алоқаларни ўрнатиш йўллари билан амалга ошириш маъқулланди.
Суҳбат давомида халқаро ва минтақавий масалалар бўйича ҳам фикр алмашилди.
Изоҳ (0)