Хитой Қирғизистон пойтахти Бишкекдаги элчихонаси яқинида портлаш содир бўлганидан қаттиқ таъсирланди. Бу ҳақда мамлакат ТИВ вакили Хуа Чуньин маълум қилди, дея хабар беради «ТАСС».
«Хитойнинг Қирғизистондаги элчихонасига портловчи қурилмаси бўлган автомобиль ёрдамида ҳужум уюштирилди. Бунинг оқибатида уч нафар ходим жароҳат олди. Биз бу зўравонлик кўринишидан қаттиқ таъсирландик. Хитой ТИВ зарур барча фавқулодда чораларни кўрмоқда, қирғиз томони билан ҳам доимий алоқадамиз. Бишкекдан мамлакатимиз фуқаролари ва муассасаларимиз хавфсизлигини таъминлаш учун барча зарур чораларни кўришини сўраймиз», — дея таъкидлади Хуа Чуньин.
30-август, сешанба куни номаълум шахс Mitsubishi машинасида Хитойнинг Бишкекдаги элчихонаси дарвозасини бузиб киришга ҳаракат қилди, шундан сўнг портлаш рўй берди. Теракт туфайли элчихона биноси, шунингдек, яқин атрофдаги уйларга жиддий зарар етди. Автомобиль салонидаги шахс воқеа жойида ҳалок бўлди.
Изоҳ (0)