Евро—2016 чорак финалидаги ноаниқ пенальтиси билан Италияни қолдириб юборган Дзаза «Вест Ҳэм» аъзосига айланди

Туриннинг «Ювентус» клуби ҳужумчиси Симоне Дзаза фаолиятини Лондон «Вест Ҳэм»ида ижара асосида давом эттиради, деб хабар берди «Чемпионат».

Лондонликлар ҳужумчининг ижараси учун 5 миллион евро сарф этди. Дзаза «Вест Ҳэм» сафида келишилган миқдордаги ўйинда майдонга тушишга муваффақ бўлса, клуб ни 20 миллион еврога тўлиқ сотиб олиш ҳуқуқини қўлга киритади. «Ювентус» бунинг ортидан қўшимча 3 миллион бонус ҳам ишлаши мумкин.

Бир йил муқаддам Симоне «Сассуоло»дан Туринга 18 миллион евро эвазига кўчиб ўтиб, мавсум давомида 19 учрашувда 5 та гол урганди. «Ювентус» Гонсало Игуаин билан шартнома имзолагач, Евро—2016 чорак финалида Германия дарвозасини пенальтилар сериясида ишғол қила олмаган ҳужумчини ортиқ ушлаб турмади.