АҚШ Россиядан Сурия бўйича мулоқотда ён беришини талаб этаётгани йўқ. Бу ҳақда Оқ уй матбуот котиби Жошуа Эрнест маълум қилди, дея хабар беради «ТАСС».
«Биз ён берилишига эришаётганимиз йўқ. Фақат Россия ҳукумати ўзи олдинроқ олган мажбуриятларини бажаришини истаймиз. Уларнинг бундан ярим йил аввал олган мажбуриятлари жанговар ҳаракатлар тўхтатилишига тегишли», — дея таъкидлади Эрнест.
Оқ уй вакилига кўра, кейинги ойларда тажовузкорона ҳаракатларни тўхтатиш бўйича мажбуриятларнинг бажарилиши кўплаб аҳоли пунктлари, хусусан, Алеппо атрофида ёмонлаша бошлади. Шу муносабат билан Эрнест Москвани «Асад тузуми таъсиридан фойдаланишни билмаслик ёки бундан бош тортиш»да айблади.
Эслатиб ўтамиз, олдинроқ АҚШ Давлат котиби Жон Керри ва Россия ташқи ишлар вазири Сергей Лавров Женевадаги музокараларда Суриядаги вазиятни муҳокама этаётгани маълум қилинганди.
Изоҳ (0)