Тошкентда бақувват батареяли Huawei Y6 Pro смартфони 1,36 млн сўмдан сотувга чиқди

Ўзбекистонда кучли аккумулятор батареясига эга Huawei Y6 Pro смартфони сотила бошлади, деб ёзади «Mobinfo.uz». Унга 4000 мА/соат сиғимли батарея ўрнатилган. Бундан ташқари, смартфон ташқи аккумулятор вазифасини бажариш функциясига эга, шунингдек, унда тезкор заряд олиш технологияси бор.

Huawei Y6 Pro 5 дюймли ва 1280×720 пикселли IPS-дисплей, тўрт ядроли MediaTek MT 6735 процессори, 2 Гб тезкор ва 16 Гб ички хотира (+128 гигабайтгача microSD), 13 мегапикселли асосий ва 5 мегапикселли олд камерага эга.

Катта сиғимли аккумулятор туфайли, қурилма корпусининг қалинлиги 9,7 миллиметрни, оғирлиги эса 160 граммни ташкил этади. Смартфонга иккита SIM-карта ўрнатиш мумкин.

Смартфон Emotion UI 3.1 Lite қобиқли Android 5.1 Lollipop бошқарувида ишлайди.

Тошкентдаги «Флешка» («Малика») савдо мажмуасида Huawei Y6 Pro 1 365 000 сўмдан сотилмоқда.

Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.