Ўзбекистонда Microsoft Lumia 650 смартфони сотила бошлади, деб ёзади «Mobinfo.uz». Унинг асосий ўзига хослиги корпус атрофидаги металл ромдир. Смартфонга Windows 10 Mobile операцион тизими ўрнатилган.
Lumia 650 5 дюймли ва 1280×720 пикселли АМOLED-дисплей (Gorilla Glass 3 шишаси билан қопланган), тўрт ядроли Qualcomm Snapdragon 212 процессори, 1 Гб тезкор ва 16 Гб ички хотира (+200 гигабайтгача microSD), 8 мегапикселли асосий ва 5 мегапикселли олд камера, 2000 мА/соат сиғимли аккумуляторга эга.
Қурилманинг қалинлиги 6,9 мм, оғирлиги эса атиги 122 граммга тенг.
Пойтахтдаги «Флешка» савдо мажмуасида Microsoft Lumia 650 (қора рангли корпусда) 1,4 миллион сўмдан таклиф қилинмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)