Туркия Жараблусдаги (Сурия) ИШИД марраларига танклар орқали 70 маротаба зарба берди. Бу ҳақда ҳарбий манбаларга таяниб, Туркиянинг НТВ телеканали маълум қилди, дея хабар беради «РБК».
Манбаларга кўра, Туркия ҳам таркибига кирувчи халқаро коалиция авиацияси яна 12 та маррага зарба берди. Операцияда мамлакатнинг F-16 қирувчи самолётлари сафарбар этилган. Туркия армияси артиллерия ва ялпи ўт очиш реактив тизимларини ҳам қўлламоқда.
Туркия Россиянинг Су-24 самолёти уриб туширилган 2015 йил ноябридан бери биринчи марта Суриядаги ИШИД марраларига зарба бериш учун ҳарбий самолётлардан фойдалангани билдирилмоқда.
Эслатиб ўтамиз, олдинроқ Туркия қўшинлари Сурия ҳудудига киргани ҳақида хабар берилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)