2016 йилнинг 19 август куни Халқаро бизнес марказида Ўзбекистонда кенг полосали мобил алоқани ривожлантириш бўйича Mobile Broadband 2020 | Uzbekistan биринчи саммити бўлиб ўтди. Huawei (Huawei Tech. Investment Tashkent МЧЖ ХК) томонидан ташкил этилган ушбу IT-анжуман Ўзбекистоннинг барча алоқа операторлари, шунингдек, маҳаллий ва чет эллик етакчи таҳлилчиларни бир ерга тўплайди. Мутахассислар энг яхши кенг полосали симсиз тармоқни яратиш бўйича ўз тажрибалари ва фикрлари билан ўртоқлашади.
Йил сайин кенг полосали мобил алоқага (КПMA) талаб ортаётгани туфайли 2020 йилга бориб трафик 20 мартага ортиши кутилмоқда. КПMA ривожланаётган даврда мобил алоқа операторлари радиочастотали спектрдан самаралироқ фойдаланиш, янги бозорларга чиқиш каби масалаларга дуч келмоқда. Huawei компанияси LTE технологиялари, шу жумладан, WTTx ва LiTRA каби юқори технологияли ишланмалар ҳамда ечимларни қўллаган ҳолда мобил алоқа операторларининг ушбу муаммоларини босқичма-босқич ечишни мақсад қилган.
Ўзбекистонда 4G тармоқ занжири ривожлангани сари тез ривожланаётган LTE тармоғи интернетга кенг полосали мобил кириш сифатини ошириб боради. Ўзбекистонда тез суръатларда анъанавий жамиятдан ахборот жамиятига ўтилмоқда. Интернетга кенг полосали мобил алоқа воситасида инсонлар ҳаёти, қолаверса, жаҳон тармоғи, саноат ва жамиятни ўзгартирмоқда.
«Яқин беш йил ичида жиддий ўзгаришлар рўй беради. Интернет тармоғига кенг полосали мобил кириш келажак сари ягона йўлга айланади. У 100 миллиард уланишни таъминлайди, маълумот узатиш тезлиги эса 10 Гбитга тенг бўлади. Бироқ, трансформация жараёни осон эмас ва у узоқ вақт талаб этади. Шу туфайли соҳа вакиллари биргаликда иш олиб бориши, ғоялар ва тажриба алмашиши зарур. Шунинг учун ҳам биз ушбу платформани танлаб, кўп сонли ҳамкорлар, соҳанинг пешқадамлари ва етакчи экспертларни таклиф қилдик. АКТ соҳасининг асосий иштирокчиси бўлган Huawei шериклар билан ҳамкорликни давом эттиради ва МBB инновацион комплекс ечимлари, консалтинг хизматлари ва тизим интеграцияси бўйича хизматларни таъминлаб боради», — дейди Huawei Tech. Investment Tashkent МЧЖ ХК бош директори Ван Пен.
Mobile Broadband 2020 | Uzbekistan саммити операторлар, контент-провайдерлар, Интернет хизматларини кўрсатувчилар ва соҳанинг бошқа вакиллари ўртасида кенг полосали мобил алоқани ривожлантиришнинг асосий вазифалари юзасидан очиқ музокаралар олиб бориш майдончасига айланиши кутилмоқда. Ишончимиз комилки, Саммит натижалари кенг полосали мобил алоқани ривожлантиришга амалий фойда беради, бу эса ўз навбатида мамлакатда алоқа тармоғининг бутун экотизимини барқарор ривожлантиришга хизмат қилади.
Huawei ҳақидаHuawei — дунёда етакчи инфокоммуникацион ечимларни етказиб берувчи компания бўлиб, унинг мақсади инсонлар ҳаётини мулоқот ёрдамида бойитишдан иборатдир. Мижозлар эҳтиёжига қаратилган инновацион ишланмаларимиз ва ривожланган ҳамкорлик тармоғимиз туфайли биз телекоммуникация тармоқларини яратиш, терминал ечимлар ва булутли ҳисоблаш тизимларида юксак натижаларга эришдик. Huawei’нинг бутун дунё бўйича 170 минг нафар ходими операторлар, корхоналар ва якуний фойдаланувчилар учун максимал фойдали шароитлар яратишга интилади ва уларга рақобатбардош ечимлар ҳамда хизматлар тақдим этади. Сайёрамиз аҳолисининг учдан бир қисми бизнинг инновацион маҳсулотларимиз, қарорларимиз ва сервисларимиздан дунёнинг 170 дан зиёд мамлакатларида фойдаланади. 1987 йилда ташкил этилган Huawei хусусий компания бўлиб, унга ўз ходимлари тўлиқ эгалик қилади. Huawei Consumer Business Group бўлинмасига 2003 йилда асос солинган. У смартфонлар, планшетлар, кенг полосали мобил алоқа қурилмалари ва хонадонлар учун ечимлар яратади, ишлаб чиқаради. 2015 йилнинг октябрида Huawei иккинчи марота Interbrand’s Top 100 Best Global Brand рейтингга киритилган. Huawei дунёдаги етакчи смартфон ишлаб чиқарувчилар юқори учлигига киради.
Реклама ҳуқуқи асосида. Хизматлар лицензияланган.
Изоҳ (0)