Nokia’нинг Хитойдаги бўлинмаси директори Майк Вон компания 2016 йилнинг тўртинчи чорагида янги смартфонларни чиқаришни режалаштираётганини айтди, деб ёзади «Hi-tech.mail.ru».
Майк Вон, шунингдек, янги смартфонлар тақдимоти қурилмани ишлаб чиқиш ва синовдан ўтказиш жараёни чўзилиб кетиши туфайли, кечиктирилиши мумкинлигини таъкидлади. Айни пайтда Nokia бренди остидаги мобил қурилмаларни ишлаб чиқариш билан HDM Global компанияси ва Foxconn заводи шуғулланмоқда.
Нашр эслатишича, аввалроқ янги Nokia смартфонларининг ўзига хос жиҳатлари ҳақида маълумотлар пайдо бўлганди. Уларга кўра, қурилма 5,2 ва 5,5 дюймли ва 2560×1440 пикселли QHD-экран, тўрт ядроли Qualcomm 820 процессори, 22,6 мегапикселли асосий камерага эга бўлади ва Android 7.0 Nougat операцион тизимида ишлайди.
Изоҳ (0)