23 августдан 24 августга ўтар кечаси марказий Италияда 6,0 магнитудали зилзила юз берди. Ер силкиниши оқибатида кичикроқ Аматриче шаҳрига энг кўп зарар етди. TJournal ОАВлар ва ижтимоий тармоқ фойдаланувчилари томонидан чоп этилган фожиа жойидан олинган суратларни тўплади.
Ижтимоий тармоқларда Аматричени зилзилага қадар ва ундан сўнг таққослаб олинган сурат энг кўп оммалашди. Суратда фақат шаҳар марказида жойлашган соат ва қўнғироқли минорани таниш мумкин.
Аматриче мэри Сержо Пироцци маҳаллий радио орқали кўпчилик одамлар биноларнинг вайроналари остида қолганлиги, электр таъминоти узилганлиги, вайроналарни очиш учун эса оғир техника керак эканлигини маълум қилди.
Охирги малумотларга қараганда Италияда зилзила қурбонлари сони 22 кишига етган.
Изоҳ (0)