Google компанияси видеоқўнғироқлар учун мўлжалланган Duo дастурини расман тақдим этди, деб ёзади Meduza. Дастурдан iOS ва Android қурилмалар орқали фойдаланиш мумкин.
Duo’нинг ўзига хос жиҳатларидан бири қўнғироққа жавоб берилишидан олдиноқ қўнғироқ қилаётган кишининг телефонидаги тасвирни кўрсатиш функциясининг мавжудлигидир.
Duo’нинг чиқарилиши ҳақида 2016 йил майидаёқ маълум қилинган эди. Дастур iOS’даги Facetime сервисининг яққол рақобатчиси ҳисобланади, унда ҳам шунга ўхшаш функциялар мавжуд.
Google’нинг видеоқўнғироқларни амалга ошириш мумкин бўлган Hangouts сервиси ҳам бор. Duo чиққани билан эски сервис ўз ишини давом эттираверади.
Изоҳ (0)