БМТ бош котиби Пан Ги Мун Туркиянинг Газиантеп шаҳридаги камида 50 кишини ҳаётдан олиб кетган терактни қоралади. Тўй тантаналари чоғида содир этилган ҳужум муносабати билан халқаро ташкилот етакчиси навбатдаги равишда терроризмга қарши курашдаги уринишларни фаоллаштиришга чақирди. Бу ҳақда «ТАСС» хабар бермоқда.
«Бош котиб мазкур ҳужумни уюштирганлар тезда аниқланиши ва жазога тортилишига умид қилади. У яна бир бор терроризм ва экстремизмга қарши курашда минтақавий ҳамда халқаро уринишларни кучайтириш зарурлигини таъкидлайди», — дейилади БМТ матбуот хизмати хабарида.
Пан Ги Мун теракт оқибатида қурбон бўлганлар оиласи, шунингдек, Туркия ҳукумати ва халқига ҳамдардлик билдирди. Жароҳатланганларга тезда соғайиб кетишларини тилади.
Изоҳ (0)