Исроил ҳарбий-ҳаво кучлари самолётлари 22 август, душанбага ўтар кечаси Сдерот шаҳри ракетадан ўққа тутилганига жавобан ҲАМАСнинг Ғазо секторидаги террорчилик инфраструктурасига зарбалар берди. Бу ҳақда Исроил мудофаа армияси матбуот хизматига таяниб, «ТАСС» хабар бермоқда.
«Сдеротга ракета келиб тушганига жавобан Исроил ҳарбий-ҳаво кучлари ҲАМАСнинг Ғазо секторидаги террорчилик инфраструктураси нишонларини мўлжалга олди», — дея маълум қилди армия матбуот хизмати.
Бу Сдерот ракетадан ўққа тутилишига иккинчи жавоб бўлиб, ракета шаҳарга келиб тушганидан кейиноқ Исроил самолёт ва танклари ҲАМАС ҳаракатининг сектордаги икки маррасига зарба берди.
Изоҳ (0)