Қашқадарё вилояти маъмурий маркази Қарши шаҳрида 20 август, шанба куни ҳаво ҳарорати +39 даражагача кўтарилди. «Ўзгидромет» ахборотига кўра, бу Ўзбекистон вилоят марказлари орасида шу куни қайд этилган энг юқори ҳарорат бўлди.
Айни вақтда, Самарқанд ва Андижон шаҳарлари Ўзбекистон вилоят марказлари орасида 20 август куни энг салқини бўлди — бу шаҳарларда ҳаво ҳарорати энг юқори кўрсаткичи +34 даражадан ошмади.
Шу куни Тошкент, Наманган, Фарғона шаҳарларида ҳаво ҳарорати +35 даражагача, Нукус, Урганч, Навоий, Жиззах шаҳарларида +36 даражагача, Бухоро, Гулистон, Термиз шаҳарларида эса +37 даражагача кўтарилди.
«Ўзгидромет» ахборотига кўра, 20 август куни кундузи ва 21 августга ўтар кечаси Ўзбекистоннинг ҳеч бир ҳудудида ёғингарчилик кузатилмаган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)